காரட் சாதம்

 

தேவையானவை

பச்சரிசி - 1 கப்

பெரிய வெங்காயம் - 2

பெரிய சைஸ் காரட் - 3

தனியா - 1 டீஸ்பூன்

சீரகம் - 1/2 டீஸ்பூன்

வரமிளகாய் - 4

தேங்காய் துருவல் - 2 டேபிள் ஸ்பூன்

பட்டை, கிராம்பு, ஏலக்காய் - சிறிதளவு

எண்ணெய் - 2 டேபிள் ஸ்பூன்

நெய் - 1 டேபிள் ஸ்பூன்

உப்பு - தேவையான அளவு

 

செய்முறை

 

* அரிசியை வேக வைத்து சாதத்தை உதிரியாக ஆற வைக்கவும்.

 

* வாணலியில் எண்ணைய் நெய் விட்டு பட்டை கிராம்பு ஏலக்காய் தாளித்து வெங்காயம் பொடியாக நறுக்கியது போட்டு வதக்கவும் காரட்டை துருவி அதையும் சேர்த்து வதக்கவும்.

 

* பச்சை வாசனை போகும்வரை வதக்கி எடுத்துக் கொள்ளவும். சிறிதுஎண்ணையில் தனியா, சீரகம், வரமிளகாய், தேங்காய் துருவலை வறுத்து பொடியாக்கவும்.

 

* ஆறிய சாதத்துடன் வதக்கிய காரட் மசாலா பொடி உப்பு சேர்த்து அனலில் சில நிமிடங்கள் வைத்து சூடாகப் பரிமாறவும். வெங்காய தயிர் பச்சடியுடன் சாப்பிட சுவையாக இருக்கும்.

Download As PDF

மிளகு குழம்பு

தேவையான பொருட்கள்.....

 

மிளகு - 4 ஸ்பூன்

சீரகம் - 1 ஸ்பூன்

மல்லி(தனியா) - 2 ஸ்பூன்

பூண்டு - 15 பல்

சின்ன வெங்காயம் - 10

தேங்காய் துருவல் - 3 ஸ்பூன்

கடுகு - 1/2 ஸ்பூன்

பெருங்காயம் - 1/2 ஸ்பூன்

புளி - எலுமிச்சையளவு

 

செய்முறை.......

 

• சின்னவெங்காயம், பூண்டு இரண்டையும் தோல் உரித்து முழுதாக வைத்துக் கொள்ள வேண்டும்.

 

•  மிளகு, சீரகம், மல்லி(தனியா) வேண்டியவற்றை தனித்தனியே எண்ணெய் இல்லாமல் வறுத்து அரைத்து கொள்ள வேண்டும்.

 

• தேங்காய் வறுக்க மட்டும் 1/2 தேக்கரண்டி எண்ணெய் விட்டுக் கொள்ள வேண்டும். 

 

•  வாணலியில் எண்ணெய் விட்டு கடுகு, பெருங்காயம், கறிவேப்பிலை போட்டு தாளித்ததும் பூண்டு, சின்ன வெங்காயம் போட்டு வதக்க வேண்டும்.

 

• வதங்கியபின் புளிக்கரைசல், உப்பு போட்டு அரைத்தவற்றையும் போட்டு கலக்க வேண்டும். 

 

• 1 கப்  தண்ணிர் சேர்த்து மூடி சிம்மில் வைக்க வேண்டும். கால் மணி நேரம் கழித்து ஓரத்தில் எண்ணெய் விட்டவுடன் இறக்க வேண்டும். வத்த குழம்பு  பதத்தில் இறக்கிகொள்ள வேண்டும்.

Download As PDF

மிளகு மோர் சாம்பார்

தேவையான பொருட்கள்...

மிளகு - 25 கிராம்

துவரம் பருப்பு - 50 கிராம்

பொட்டுக் கடலை மாவு - 50 கிராம்

கெட்டியான மோர் - 3 கப்

காய்ந்த மிளகாய் - 6

தனியா - 50 கிராம்

வெந்தயம் - 1 டீஸ்பூன்

தேங்காய் பால் - 1 கப்

நெய் - 1 ஸ்பூன்

பெருங்காயம் - 1 டீஸ்பூன்

மஞ்சள் தூள் - 1 டீஸ்பூன்

உப்பு (தேவைக்கேற்ப)

கருவேப்பிலை - சிறிதளவு.

செய்முறை....

• முதலில் துவரம் பருப்பை குழைய வேக வைத்துக்கொள்ள வேண்டும்.

• பிறகு அகலமான ஒரு பாத்திரத்தில் மோரை ஊற்றி அதில் பொட்டுக்கடலை மாவு, குழைய வைத்த துவரம் பருப்பு, உப்பு, மஞ்சள் தூள் எல்லாவற்றையும் வறுத்து, மிக்ஸியில் பொடியாக அரைத்து, மோர்க் கலவையில் கலந்து அடுப்பில் வைத்து கொதிக்க  வைக்க வேண்டும்.

• கொதித்தபின் அதில் தேங்காய் பாலையும் சேர்த்து மீண்டும் ஒரு கொதி வைத்து இறக்க வேண்டும்.

• அடுப்பில் வாணலியை வைத்து, நெய் ஊற்றி கடுகு, உளுந்தம் பருப்பு, பெருங்காயம், கருவேப்பிலையை தாளித்து குழம்பில் ஊற்ற வேண்டும்.

• கமகமக்கும் இந்த மிளகு மோர் சாம்பார், வயிற்று வலி, சர்க்கரை நோய், இதய நோய் உள்ளவர்களுக்கும் மிகவும் நல்லது.

Download As PDF

காலி பிளவர் மிளகு ரோஸ்ட்

தேவையானவை....

 

காலிபிளவர் பெரியது - 1

சின்ன வெங்காயம் - 100 கிராம்

பூண்டு - 6 பல்

மிளகு - 1/2 டீஸ்பூன்

வரமிளகாய் - 2

சீரகம் - 1/2 டீஸ்பூன்

கருவேப்பிலை - சிறிது

உப்பு - தேவையான அளவு

நெய் - 1 டேபிள் ஸ்பூன்

 

செய்முறை...

 

* வெங்காயம், பூண்டு இரண்டையும் பொடியாக அறிந்து கொள்ளவும்.

 

* காலி பிளவரை பெரிய பூக்களாக நறுக்கி வைத்துக் கொள்ளவும்.

 

* வாணலியில் நெய்விட்டு கடுகு, சோம்பு தாளித்து நறுக்கிய வெங்காயம், வெள்ளைப்பூண்டு இரண்டையும் வதக்கவும்.

 

* அத்துடன் காலிபிளவரைச் சேர்த்து சிறிது உப்பு சேர்த்து தண்ணீர் தெளித்து மிதமாக சூட்டில் வேக விடவும்.

 

* மிளகு, சீரகம், வரமிளகாய் இவற்றுடன் சிறிது வெங்காயம், சிறிது வெள்ளைப்பூண்டு சேர்த்து அரைத்து, நெய்விட்டு வதக்கி எடுத்துக் கொள்ளவும்.

 

* காலிபிளவர் வெந்ததும், வதக்கிய மிளகு மசாலாவைச் சேர்த்து மிதமான சூட்டில் சிறிது நெய்விட்டு முறுகவிட்டு எடுத்து வைக்கவும்.

Download As PDF

பாகற்காய் ஜுஸ்

தேவையான பொருட்கள்....

 

பாகற்காய் – 1 கப்

எலுமிச்சம் சாறு - 2  ஸ்பூன்

உப்பு – தேவையான அளவு

சீரகப்பொடி – 1/4 டீஸ்பூன்

மிளகுப்பொடி – 1/4 டீஸ்பூன்

கொத்தமல்லி தழை  – சிறிதளவு 

 

செய்முறை;

 

* பாகற்காயை நன்கு கழுவி சிறு சிறு துண்டுகளாக நறுக்கி அரைத்து வடிகட்டிக் கொள்ள வேண்டும்.  

 

• அதனுடன் எலுமிச்சம் சாறு, உப்பு, சீரகப்பொடி, மிளகுப்பொடி சேர்த்து நன்கு கலக்கி கொத்தமல்லி தூவி பருகவும்.  

 

• பாகற்காய் ஜுஸ் தினசரி குடிப்பதால் இரத்தத்திலுள்ள சர்க்கரையின் அளவு படிப்படியாக குறையும். நாட்பட்ட தோல் நோய்கள் குணமாகின்றன.

Download As PDF

எள் சப்பாத்தி

தேவையானவை:

 

வெள்ளை எள் -  கால் கப் 

கோதுமை மாவு – ஒரு கப்

தனியா – 2 டீஸ்பூன்

மிளகு - ஒரு டீஸ்பூன்

சீரகம் - ஒரு டீஸ்பூன்  

நெய் –  2 டீஸ்பூன்

எண்ணெய் - 5 டீஸ்பூன்  

உப்பு – தேவையான அளவு.

 

செய்முறை:

 

* முதலில் எள்ளை வெறும் கடாயில் வறுக்கவும்.

 

• பின்னர் தனியா, மிளகு, சீரகம் மூன்றையும் கால் டீஸ்பூன் எண்ணெய் விட்டு வறுத்து, ஆற வைத்து இதனுடன் வறுத்த எள்ளை சேர்த்துப் பொடிக்கவும்.

 

• கோதுமை மாவுடன் வறுத்து பொடித்த பொடி, உப்பு, நெய் ஒரு டீஸ்பூன் சேர்த்துக் கலந்து, தண்ணீர் தெளித்து கெட்டியாகப் பிசையவும்.

 

• இந்த மாவை சப்பாத்திகளாக இட்டு, காயும் தோசைக்கல்லில் போட்டு, எண்ணெய் விட்டு சுட்டெடுக்கவும்.

 

• இந்த சப்பாத்தி உடல் நலத்திற்கு மிகவும் நல்லது.  

Download As PDF